Truri juaj mund të jetë i veçantë nëse rrëqetheni nga muzika

16:39 | 8 Nëntor 2017
Arbresh.info

Nëse të dëgjuarit muzikë ju rrëqethë, atëherë sipas një studimi ju mund të keni një tru unik.

Shkencëtarët në Universitetin e Kalifornië Jugore ekzaminuan skanimet e trurit të 20 studentëve, gjysma e të cilëve kishin reagime të forta ndaj muzikës, ndërsa gjysma jo, shkruan The Independent.

Pasi që secili pjesëmarrës dëgjonte një pjesë të muzikësqë e kishin zgjedhur vetë, hulumtuesit krahasuan skanimet dhe gjetën që ata të cilët reagonin ndaj këngëve në këtë mënyrë të lartësuar kishin një strukturë të dalluar neurologjike.

Njerëzit që përjetonin rrëqethje kishin vëllim më të madh të fibrave neurologjike që lidhin korteksin dëgjimor me pjesën e trurit që proceson emocionet.

“Më shumë fibra dhe efikasitet i rritur mes dy regjioneve nënkupton që ju keni procesim më efikas mes tyre”, shpjegoi Mathew Sachs, bashkautori i këtij studimi.